2Sa 6 | TBG | STEP | Kotiva uva tiva taatauto Vokise ra Baala vatukaqihai varaate tiro, Devitiva raqua okarara kankomake tavo vaiintika 30,000 ruvaaquma kero vika ntita varero mini vura. Baala vatuka vira vo autu Kiriati-Jearimi Iutaini vaumanta haaru vi Vokise ra mini vuru vatora. (1 Sam 7:1-2) Noravano Kotiva ekaa kempuka vatai Variqava uva tiva taatauto Vokise va vauvaro vi Vokise raqaa enseli maraqura/varah a taaraqanta vauvaro vitanta avutana Noravano Kotiva oquviro vau vatukava vaura.

2 Samuel 6

Kotira Vokise Ieruharemini viri kora

1 Kotiva uva tiva taatautoVokisera Baala vatukaqihai varaate tiro, Devitiva raqua okarara kankomake tavo vaiintika 30,000 ruvaaquma kero vika ntita varero mini vura. Baala vatuka vira vo autu Kiriati-Jearimi Iutaini vaumanta haaru viVokisera mini vuru vatora. (1 Sam 7:1-2)

Noravano Kotiva ekaa kempuka vatai Variqava uva tiva taatautoVokiseva vauvaro viVokiseraqaaenseli maraqura/varah a taaraqanta vauvaro vitanta avutana Noravano Kotiva oquviro vau vatukava vaura.

3 Ho Devitiva nai iqoka vaiinti hampata Baalaini Abinadaapira naavuvano inaara aiqinaqaa vaunaini orunteVokise vira varake qaraaka ohi veka aututoraqaa vara vaari vate anirante vura.

Vika aaraini vi vaumanta Abinadaapira maaqutanta Usaaka Ahioka vekavano avuqavu aaraqaa vuarire ti, viraqaa raqikiqi vi vaura.

4 Ahiova avuni vuvaro Kotiva uva tiva taatautoVokiseva ohi veka viraqaa vaumanta purumakau taaraqantavano veka vira rarau vare vi vaura.

5 Rarau vare vi vaumanta Devitivavata ekaa Isarerivata ihi noraiqaake tiha, vo qara vo qara umusikira,kitaave,kuleleve, vo haikave ruqutiha,tamparini tuateha rintatimaqi viha, taquqi vo haika nonkute rintatimaqi viha, kure avutanta voqaara ruqutuqi viha, Nora Kotira autu tuaheraqi vi vaura.

6 Ho vika Nakonira vatukaini,uitirirurumake/ritatimake vare vaunaini oruntovaro, purumakautanta kuntavaivai uvaro, UsaavaVokisevano hiqintuantorave tiro, nai kauqu tutukeroVokise vira utu varora.

7 Usaava Noravano Kotiva qioqama teharo kiaVokise vira utu varaate turara kia noraiqaakero iriraitiro,Vokise vira utu varovaro vira kaara Kotira arara itovaro vaakama Usaara ruqutu kovaro viva KotiraVokise tataaqa qutu vura.

8 Mintima kero Nora Kotira arara itovaro Usaara arukora kaara Devitira arara itovaro vaura. Vaiinti nahenti vi vatara autu ntehaKotiva-Usaara-Arukainainive tura. Vatevata vaiinti nahenti qaqiqai vi autura nte variara.

9 Kotiva Usaara arukovaro Devitiva Nora Kotira aatu qetero tiharo, Mpo, nantiakee te Noravano Kotiva uva tiva taatautoVokisera tenta vaunanaini vara vuru vatararave? tiro.

10 Devitiva minti tivakero qaqira kero kia viVokisera nai vatuka Ieruharemini vare viraitiro, Ieruharemini vu aarara keroVokise vira varero Geti vatukaihainaa vaiinti Obeti-Idomura naavuqi vuru vatora.

11 HoVokiseviva Obeti-Idomura naavuqi taaramo torara vauvaro Noravano Kotiva Obeti-Idomuravata vira naata vaintivata koqema nimitora.

12 Mintumanta vokuka vuru King Devitira tiva ami tiha, Kotiva uva tiva taatautoVokiseva Obeti-Idomukantiro vaivarora tiro, Noravano Kotiva vira naata vaintivata viva i haikaravata koqema amitaivo, tuvaro Devitiva iriro oru Obeti-Idomura naavuqihairo Kotiva uva tiva taatautoVokisera varero vivavata, vaiinti nahentivata, voqamake quahaqi viha Ieruharemini vira vara vuru kora.

13 Obeti-Idomura naavuqihai vaiinti vonavuVokise vira aqu vare, 6 tataa aiqu ntavaqi vi, oru himpite vauvaro Devitiva purumakau qora vovata, naati purumakau vaata vauravata, arukero Kotiraofaa iha quara amitora.

14 Ho Devitivaefotitavunaqai rumpatero vaiharo Nora Kotira autu tuaherareva noraiqaakero ihi nteharo ihi tivaqiro vi vaura. 15 Devitivavata ekaa Isarerivata Noravano Kotiva uva tiva taatautoVokisera vare quahehaaanumaara/noma vuaqaqi viha noraiqaake naveraitivaqi Ieruharemini vura.

16 VikaVokise vira vare Devitira vatuka Ieruharemiqi anuvaro Sorura raavura MikaalivauintuanahairoVokise vare anu vaiinti nahentika tave vaura. Viva tavovaro vira vaati King Devitiva Nora Kotira autu tuahereharo ihi nteharo ravukuvi ravukuvimaqi ani vauvaro viva nai avu aatoqihairo Devitiva qorahaa autivo tivakeharo nunurama amitora.

17 Ho vika KotiraVokise vare, Devitivaseri naavu henuqama toraqi vuru vatovaro viraqaahairo Devitiva ihavano ekaa kaintu itakaainaofaara iha quara amitero, Kotiva Isareri hampata vohaa variainaofaaravata iha quara amitora.

18 Devitivaofaa iha quara tero viraqaahairo viva nai kauqu tuahera kero Noravano Kotiva ekaa kempuka vataira autuqaa vaiinti nahenti koqema nimitora.

19 Viraqaahairo Devitiva mini ruvaaqumavi vauka mparetivata, iha quarato matiravata, aurumatouaini tavaravata vohaiqa vohaiqa nimumanta vare, vika anirante nái maaqa nái maaqa vura.

20 Vika vuvaro Devitiva nai naavuqi oru nai vainti nahenti uva mantareva vuvaro Sorura raavura Mikaaliva naavuqihairo vevantero Devitirara tiharo, Ho koqema iaro. Are Isareri avuhainaa vaiintivano vaiharavata, vate are nena nora vaiinti vika kaiqa nahenti nivuqaa toka voqaara vaihara, ravukuvi ravukuvi i variaro. Kia avu aato vataava kia kauriraitiro, nai vaata qohaama kaintemakera, are mintiaro, tiro.

21 Minti tuvaro Devitiva virara tiharo, Te Nora Kotirara noraiqaake irihama vira avuqaama ihi ntauro. Noravano Kotiva vaiinti vo nai vaiinti nahenti Isareriqaa raqikiarire tiro, ai qora qoririma kero kia vira ankuqihairo vaiinti vo kaama taraitiro, viva ti noraiqama kairave. Viva mintirara ti, te Nora Kotira avuqaa quaheha mintunantemake, naantiara qaiqaa qaiqaavata mintiaqi virerave.

22 Te mintiaqi viha tenta hutu voqavata vara muntuviqama karerave. Are tiriara nora kaurira haika varaaro tiaramantavata, vate kaiqa nahentinavuara tiarauka, vika tiriara viva nora autu vataavama vaivo tivarave, tiro. 23 Devitiva minti tuvaro Sorura raavura Mikaaliva qaqi vau entaranaahiara/qururaiqama viro kia vainti vataraitiro vaura.